A AVOA DO CEO

Este é un libro dedicado a unha unión que nada nin ninguén pode romper: a relación entre unha avoa e a súa neta, unha relación que non coñece límites e na que todo é posible, mesmo montar en bicicleta e saír percorrer o horizonte, co seu querido can, entre unha nube e un raio de sol...

Anna Lavatelli —nada en 1953 en Cameri, no Piamonte italiano, berce de grandes escritores como Cesare Pavese ou Primo Levi—, é unha autora recoñecida da literatura infantil contemporánea, galardoada, entre outros, co prestixioso Premio Andersen en 1988 e en 2005.
A avoa do ceo está ilustrado polo galego David Pintor, debuxante ben recoñecido e galardoado dentro e fóra das nosas fronteiras; os seus sinxelos e emotivos debuxos achéganlle ao texto unha luz inconfundible porque, en palabras da escritora, «as ilustracións nos libros infantís teñen que ser non bonitas, senón marabillosas».