LOVECRAFT, XI. HERBERT WEST, O REANIMADOR E OUTRAS HISTORIAS ARREPIANTES

Neste volume inclúense varias historias do Lovecraft novo que oscila entre o macabro e o onírico, entre os terrores da cripta e as visións dun alén aterrecedor. Xunto cun feixe de relatos escritos entre 1920 e 1923, culmina o volume a novela curta protagonizada polo estudante de medicina Herbert West e a súa obsesión pola reanimación de cadáveres. Escrita en orixe como unha parodia do Frankenstein de Mary Shelley, Lovecraft combina aquí o homorístico co arrepiante, nunha mestura que, no seu tempo, non gozou de excesivo éxito, mais que o foi gañando co paso dos anos. En 1985 Stuart Gordon levou a historia á gran pantalla co seu Re-animator, que se converteu nun filme de culto para os amantes do xénero e que fixo mundialmente coñecida a historia do solitario de Providence.