RESÚLTAME FAMILIAR

Se algo define as familias é o seu constante CAMBIO: desde a Prehistoria ata a actualidade, desde as familias máis numerosas ata as máis reducidas, desde a familia tradicional ata as moitas outras formas nas que se compoñen as familias de hoxe.

Numerosas ou de poucos membros, próximas ou afastadas, xuntas ou separadas… hai moitas formas de vivir en familia. Pero aínda que as familias muden continuamente, sempre teñen en común un punto de partida: o amor, a protección e o apoio.

Un álbum ilustrado divulgativo para facer un percorrido por diferentes formas de vivir en familia na actualidad.

A autora está especializada na intervención con infancia e familias. Dedicou toda a súa traxectoria laboral a acompañar ás persoas adoptadas e as súas familias.
Unha ferramenta perfecta para conversar na casa sobre as diferentes formas de familia.
Un libro para visibilizar, aprender e xogar sobre a diversidade familiar.