ARGONAUTAS NO LABIRINTO

Un día, ao espertar, Argus descobre que perdeu a memoria. Con paciencia e enxeño, emprende a aventura de recuperala, acompañado en tan complicada empresa de Runa e Rodri, os seus dous Erres favoritos.
Os seus descubrimentos e confidencias fortalecerán a amizade do trío, de par que lles abrirán a porta a unha exploración do Camiño de Santiago ateigada de enigmas, onde as construcións e andanzas dos seus antigos protectores, os cabaleiros templarios, e o ancestral xogo da oca proporcionarán valiosas pistas.
A eles uniráselles un grupo de novos alumnos na procura do maior dos tesouros: o coñecemento, tanto o do ser humano, reflexo da nosa esencia e evolución, como o coñecemento íntimo, dun mesmo.