AS DONAS DA NOITE

Un grupo de estudentes abandona a cidade por uns días co obxectivo de artellar con calma a implantación dun sindicato no ámbito universitario, porén, a vida na casa familiar dun deles, situada nunha área rural totalmente allea ao seu modo de vida, obrigaraos a establecer contacto cun mundo que por veces lles resulta extravagante. Coincidindo coa chegada dos rapaces, un estraño accidente de tránsito conmove a localidade, e algo arredor do suceso vai provocar un delator silencio na veciñanza. Unha influencia, aparentemente sobrenatural, irá mergullando os foráneos nunha atmosfera inquietante.

Neste lugar reside quen deber ser o se orientador na tarefa sindical, mais o Vasco tampouco é unha persoa totalmente integrada no mundo da Redromeira, un lugar sometido ao influxo da supersitición e ao reparo por desmarcarse do convencional.

Con todo, o se único enlace con aquela realidade social poraos en contacto cun pequeno ámbito alternativo e disidente, unha sorte de oasis para uns universitarios que, desde o primeiro momento, se van entregando ás paixóns e esquecendo o verdadeiro motivo que os levou até alí.