UNHA GUIA ILUSTRADA DA PRAZA DE SANTIAGO DE COMPOSTELA

«Pasaron 33 anos dende que pisei o mercado por primeira vez, e sigo indo, polo menos, unha vez á semana. Non cambiou tanto: rexuveneceron os compradores e tamén o propio mercado, que hoxe en día é un espazo máis vivo e atractivo, a medio camiño entre a tradición e a modernidade, aínda que en esencia segue sendo a mesma praza á que me levaba a miña avoa cando era unha nena». Os recordos e as vivencias da autora, asidua usuaria da Praza de Abastos -o monumento máis visitado de Santiago de Compostela despois da Catedral- retratada polo áxil pincel de Joaquín González Dorao.